於2006年10月尾既時候，我幫我既小Baby Felicity報名參加全港X'mas Baby競走爬行大賽2006，報完名之後，我已急不及待幫我的小Baby Felicity搜集一d趣致又得意的飾物，例如: 天使光環、天使翅膀和天使衫等，頭兩樣東西於報名後不足一星期已買左，但係天使衫遲遲都未買，原因係: 1) 睇來睇去街上d天使衫冇咩特別，2) 報左名，但唔知入唔入圍 (驚買左又唔入圍，咁件天使衫好浪費，天使光環和天使翅膀都話係Halloween既時候攞出黎玩吓，扮吓天使)。懷住一個唔知入唔入圍既心情得左個幾月。 於2006年12月15日，Felicity既Daddy收到大會打黎既電話(媽咪我聽唔到大會打黎既電話，好彩打俾daddy)，話我地既小Baby Felicity可以參加這一次爬行比賽，當時大家都好開心 ，因為係大家既第一次參加爬行比賽，而我同事Diffany同爹d既朋友都有同佢地既小寶寶參加這一次爬行比賽，結果佢地兩個小寶寶?好可惜都冇份，仲諗住大家一齊好玩吓。於是我就臨急抱佛腳咁走去旺角買左條天使裙返屋企，條天使裙BB著起左大條左小小，又唔係好方便爬行，於是乎我同嫲嫲決定幫BB改短條天使裙同將天使翅膀釘係條天使裙(改短條天使裙同將天使翅膀釘係條天使裙當然係由媽咪做啦)，整左好幾晚，終於在2006年12月24日晚上完成好有天使翅膀既天使裙啦!!!(整到手指真係好痛，好花精神。)  比賽日期: 2006年12月25日 比賽時候: 中午12:00正 比賽地點: 紅磡漁人碼頭廣場 參賽者: 我既得意小Baby Felicity及其餘200多名BB 於是我地全家總動員(包括: 我(媽咪)，Daddy、嫲嫲、公公(最早到達比賽場地既一位)和舅父(12月24日舅父黎我地屋企訓教豬同幫BB特訓，當晚真係爬得唔錯都幾快))於早上10:30往比賽場地出發，其後加入有姑姐、表姑(daddy既表姐)同daddy既表姐既女女都有到場幫BB打氣，最重要緊係參賽者: 我既小Baby Felicity)。到達時係早上11:00鬆D，大家都肚仔餓，就係商場裏某間餐廳食野，大概中午12:00左右我(媽咪)就馬上一支箭咁飛落去比賽場地登記，好彩趕得切登記。 之後我再同嫲嫲立即幫BB換整左好幾日既戰衣，準備落場參賽。我既小Baby Felicity換好晒靚靚既戰衣，BB出奇地戴住天使光環(係屋企係一戴即除同發脾氣，唔肯戴)，唔知係咪見到其他BB戴住先肯戴呢(冇人知道，要知道當中原因只有問BB本人 )??? BB既參賽編號: D106，大家準備等比賽。 終於都到比賽既初賽啦，我(媽咪)抱住BB小心翼翼咁係好多人既通道左穿右插咁行去台旁邊等初賽開始；比賽開始啦，各位媽咪出盡法寶吸引各位BB既注意，而我既小Baby Felicity開頭都唔係好肯爬，可能見到旁邊D BB爬佢又爬，爬到咁上下，仲有一步仔就到終點啦，BB又停响到，唔肯爬，仲以為輸左添，但司儀講下一輪入決賽名單時，BB有份呀，唔知係咪因為有一位BB偷步而被取消資格，所以BB可以入一輪決賽???? 有得入決賽喎，大家都好開心。初賽比賽完時未夠1:00P.M.，於是我地等，其間睇下其他BB比賽；唉?.等到大概就黎2:00P.M.時BB話要教教豬(之前都想訓，但擾攘左好耐)，不足兩分鐘訓左，於是我抱住BB訓左大半個鐘(BB未訓醒)又話要準備決賽，只好攪醒BB(好可憐呀 )準備下一輪比賽。 我又再一次抱住BB小心翼翼咁係好多人既通道左穿右插咁行去台旁邊等決賽開始，其間幫左幾位記者做訪問，仲上電視(ATV)http://www.youtube.com/watch?v=I4qLjKRka3c 同上報紙(明報)http://life.mingpao.com/cfm/dailynews3b.cfm?File=20061226/nalgc/gcb1.txt 添，其間NG左四、五次先OK! 之後到我地比賽啦，開頭BB起步得好快，不過爬到中段時，BB突然停左落黎望其他BB既玩具(真係激死人)。比賽結束，BB仍然在賽道既中段位置，係到好開心咁笑，都唔知佢笑咩，諗住抱翻BB落台時，司儀話因各位BB好得意，就安排各位記者影相，BB依然在賽道既中段位置，之後仲爬去記者面前，俾各位記者影相添，左邊的記者叫BB時，BB望左邊；右邊的記者叫BB時， BB望右邊，場面好攪笑，好似D明星咁http://www.youtube.com/watch?v=0yj4gxMfFY8 。影完相之後，我地就返落台下面，等比賽完後攞証書。 
  
果日就好開心又激氣咁過左一個快樂的聖誕節，我同Daddy決定明年再參加 。 | 
(坐嘅時候好開心。)